जांजगीर-चाम्पा:-जिलाधीश साहब ह छत्तीसगढी भाखा म आप सब्बो मतदाता मन ल दीस हावे अपन-अपन मत के दान करे बर न्योता,अपन अर्द्धशासकीय पत्र के माध्यम से जिलाधीश साहब ह कहे हावे कि मोर मयारु मतदाता हो जय जोहार,23 अप्रैल के बिहनिया मतदान केंद्र म जा के,अपन अउ अपन पास-परोस के मन ल संग म ले जाके ईवीएम म बटन ल दबाके अपन मत (वोट) जरूर देवव,ये मोर सब्बो झन से बिनती हावय,जिलाधीश साहब के मतदान करे नेवता संदेश ल विस्तार से पढे बर पढा हमर hkp24news.com के पूरा खबर…

जांजगीर-चांपा(एचकेपी 24 न्यूज)।जिलाधीश साहब नीरज कुमार बनसोड़ ह अनोखा अंदाज म सबो मतदाता मन ला मतदान करे ब अपील करे हावे।श्री बनसोड ह आगामी मंगलवार 23 अप्रैल के ईवीएम म अपन-अपन मत देके लोकतंत्र ल मजबूत बनाए म भूमिका निभाए बर सब्बो मतदाता मन से आग्रह करे हावे।सब्बो मतदाता मन ल मतदान करे बर जिलाधीश साहब ह नेवता दे हावे।श्री बनसोड़ ह अर्द्धशासकीय पत्र के माध्यम से छत्तीसगढ़ी भाखा म वोट करे बर न्योता देवत कहे हावे कि मोर मयारू मतदाता जय जोहार,जइसे कि आप सब जानत हव कि 23 अप्रैल 2019, दिन मंगलवार के लोकसभा चुनाव-2019 के सबो भाई-बहनी मन ल अपन मत के परयोग करे बर हे।मत के परयोग ले लोकतंत्र ह मजबूत होही, एकरे बर आप सबो झन ले बिनती हावय के, जेकर उमर 18 बरस ले ऊपर हावय आउ जेकर नाव मतदाता सूची म हावय, 23 अप्रैल के बिहनिया मतदान केंद्र म जा के,अपन अउ अपन पास-परोस के मन ल संग म ले जाके ईवीएम म बटन ल दबाके अपन मत (वोट) जरूर देवव। ये मोर सब्बो झन से बिनती हावय।